Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 256 Hüküm no: 457 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Paşa Evkafı Mütevellîsi Mustafa b. Abdullah’ın Zadrime ve Dukakin karyelerinin gelirini câbî yedinden teslim aldığı Gekvize evkāfı olan merhûm Mustafa Paşa’nın hâliyâ mütevellîsi olan Mustafa b. Abdullah nâm kimesne meclis-i şer‘-i şerîfde Zadrime ve Dukakin nâm karyelere câbî ve kâtib olan Mustafa b. Abdullah ve Ömer b. Bâyezîd nâm kimesneler mahzarında ikrâr ve takrîr-i kelâm edip altmış dört Muharremi’nin gurresinden sene-i mezbûre Zilhiccesi gāyetine gelince zikr olunan karyelerin mahsûlü ki yüz elli yedi bin beş yüz kırk sekiz akçe olur. Bî kusûr alıp kabz edip mezbûrlar zimmetinde sene-i mezbûre mahsûlünden nesne kalmadı dedikde mezbûrân yedinden mukırr-ı mezbûr mezkûr kâtib ve câbî bi’l-müvâcehe tasdîk edip mâ-vaka‘a bi’t-taleb kayd olundu. Hurrire fî 20 Şa‘bân sene 965. Şuhûdü’l-hâl: Süleyman Ağa b. Abdullah Re’îsü’l-garâ’ibîn, Bâlî Bey b. Abdullah, Hüseyin b. Abdullah Kâtib-i Evkāf, Lütfi b. Ali, Abdülhay Çelebi b. Ahmed