Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 257 Hüküm no: 458 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Yusuf b. Abdullah’ın vefat eden Süleyman Çavuş b. Abdullah’ta olan alacağını tahsil ettiği Ferhad b. Abdullah nâm kimesnenin husûs-ı âtîye vekîl-i şer‘îleri olup ve vekâleti Ali Çelebi b. Kubad ve Ahmed b. Kurd Ali nâm kimesne şehâdetleriyle sâbit olan Hacı Yusuf b. Abdullah nâm kimesne meclis-i şer‘-i şerîfde Zağra Eskisi Kazâsı’na hassa beytü’l-mâl emîni olan Za‘îm Hüseyin Bey mahzarında ikrâr ve takrîr-i kelâm edip bundan akdem mezbûr Zağra Kazâsı tevâbi‘inden karye-i Alacalı’da fevt olan Süleyman Çavuş b. Abdullah’ın muhallefâtından emîn-i mezkûr yedinden buğday bahâsından ve darı bahâsından bin yedi yüz yirmi akçe alıp kabz eyledüm dedikde mukırr-ı mezbûru mukarrun-leh-i mezbûr bi’l-müvâcehe tasdîk edip mâ-vaka‘a bi’t-taleb kayd olundu. Fi [‘t-târîhi]’l-mezbûr. Şuhûdü’l-hâl: Mustafa b. Hasan, Ahmed b. Mustafa, Hüseyin b. Abdullah, Cafer b. Abdullah.