Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 259 Hüküm no: 463 Orijinal metin no: [64a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şâh Hûbân ve Hümâ’nın Nahcıvan Seferi’nde ölen ve terekesi Beytülmâl tarafından zabt edilen kocaları Ali b. Abdullah’ta mehir alacacakları olduğu Mehmed b. Hızır el-imâm ve İbâdi b. Ali el-müezzin ve Ferruh Bey b. Abdullah ve Haydar b. Abdullah nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, mahmiye-i Kostantıniyye mahallâtından Sultan Hamamı mahallesi sükkânından Şâh Hûbân bt. Mü’min’den ve mahmiye-i mezkûre mahallâtından Mustafa Paşa mahallesi sükkânından Hümâ bt. Ayas Bey’den ve merhûm Ali b. Abdullah’ın Mehmed ve Alemşâh nâm oğullarından sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iye-i merkūmenin, bundan akdem Nahcıvan seferinde Sakçur karyesinde fevt olan ve muhallefâtı Defterdâr Mustafa Çelebi tahvîliyle Beytülmâl-i mezbûra vâsıl olan sol ulûfeciler bölüğünden Arnavud Ali diye meşhur Ali b. Abdullah nâm zevcinin zimmetinde mehr-i müecceli cihetinden dört bin akçe hakkı vardır. Öldüğünde taht-ı nikâhında bulunduğu zevcesi idi. Müdde‘iye-i mezbûre Hümâ’nın da zevc-i mezkûrunun zimmetinde mehr-i müecceli cihetinden bin akçe hakkı vardır. Öldüğünde taht-ı nikâhında bulunduğu diğer zevcesi idi. Müdde‘î-yi mezbûr Mehmed, müteveffâ-yı merkūmun sulbî oğludur. Mezkûre Alemşâh ise sulbiyye kızıdır. Verâseti onlara münhasırdır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, müdde‘iyetân-i mezbûreye meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh ve sebebin mine’l-esbâb hakkının kısmen veya tamamen sâkıt olmadığına dâir yemîn verip meblağ-ı merkūmun edâsına hükmetti. Cerâ zâlike ve hurrire fî 15 Şa‘bân 965 Şuhûdü’l-hâl: Hamza b. Abdullah, Rüstem b. Ali, Hüseyin b. Hasan, Kemal b. Mahmud