Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 265 Hüküm no: 478 Orijinal metin no: [66a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Mustafa b. el-Hâc Bahadır’ın evini Zülfüsiyah Hatun Vakfı’na sattığı el-Hâc Mustafa b. el-Hâc Bahadır meclis-i şer‘a hâzır olup işbu akdin kendisinden sudûruna kadar mâlik olduğu ve taht-ı tasarrufunda bulundurduğu, mahrûse-i Galata mahallâtından Kula mahallesinde vâki‘, fevkānî bir hâneyi, gölgeliği, tahtânî bir hâneyi, helâyı ve avluyu müştemil, bir tarafından bâyi‘-i mezbûr mülkü, tarafeynden Anton mülkü ve bir tarafından tarîk-ı âm ile mahdûd bulunan cemi‘ menzilini cümle hudûdu ve kâffe-i hukukuyla râyicü’l-vakt beş bin yedi yüz akçe semen-i mu‘ayyen-i makbûzla kendi evkāfına mütevellî olan hâmile-i hâze’l-kitâb Zülfüsiyah Hatun bt. Abdullah’a bey‘ ettiğini ikrâr eyledi. Vâki‘ ikrâr, müşteriyye-i merkūme tarafından vicâhen ve şifâhen tasdîk edildi. Cerâ zâlike ve hurrire fî 8 Ramazan sene 965 Şuhûdü’l-hâl: Mevlânâ Fettah Çelebi b. Nimetullah Efendi ve Mevlânâ Muhyiddin Efendi b. Ubeydullah, Ramazan b. İlyas, Mehmed Çelebi b. Hoca Kasım el-imâm, Halil Dede b. Mahmud, Ömer b. Mehmed el-kâtib