Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 266 Hüküm no: 480 Orijinal metin no: [66a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Emine bt. İbrahim’in vârisinin kardeşi Hızır olduğu El-Hâc Mahmud b. Âdem ve Kasım b. Yusuf nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, hâlen mahrûse-i İskenderiye kurbündaki adada sâkin olan Hızır b. İbrahim b. Musa’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, bundan akdem mahrûse-i Galata mahallâtında Şahsuvâr mahallesinde fevt olan ve muhallefâtı 964 senesi Saferinin üçüncü günü Galata Beytülmâli emîni Mehmed b. Ali tahvîliyle Hızâne-i âmireye vâsıl olan Emine bt. İbrahim b. Musa’nın usûbet-i nesebiyye cihetiyle vârisidir. Şu cihetle ki, müdde‘î-yi mezkûr, müteveffât-ı mezbûrenin ana-baba bir erkek kardeşidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye hâkim şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Ali b. Mustafa kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 11 Ramazan sene 965 Şuhûdü’l-hâl: Bayezid b. Mustafa ve el-Hâc Mustafa b. Bahadır