Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 268 Hüküm no: 484 Orijinal metin no: [66b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtma b. Ali’nin, terekesi Beytülmâl tarafından zabt edilen kocasında mehir alacağı bulunduğu Yaya Hüdâverdi b. Abdullah ve Mehmed b. Receb nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, mahmiye-i Kostantıniyye’de vâki‘ Davud Paşa kurbündaki Toptaşı mahallesinde sâkine Fâtma b. Ali’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iye-i merkūmenin, bundan akdem mahmiye-i mezbûrede fevt olan ve muhallefâtı Beytülmâl-i mezkûr tarafından zabt edilen ve emîn-i Beytülmâl yediyle Hızâne-i âmireye vâsıl olan silahdâr Nasuh b. Abdullah nâm, öldüğünde taht-ı nikâhında bulunduğu zevcinin zimmetinde mehr-i müecceli cihetinden üç bin akçe hakkı vardır. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, müdde‘î-yi mezbûra meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamâmen sâkıt olmadığına dâir yemîn verip meblağ-ı merkūmun edâsına hükmetti. Şuhûdü’l-hâl: Şaban b. Hüsâm, Nakkaş Mehmed b. Nakkaş Hasan