Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 278 Hüküm no: 507 Orijinal metin no: [70a-5, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mütevellî Hamza Çelebi’nin Şâh Hûbân bt. Abdullah Vakfı’na on bin akçe borcu olduğu Mevlânâ Ahmed b. Hasan el-imâm ve Musa b. Yusuf el-müezzin nâm kimseler bulûğunu mu‘terife olan ve sinni bülûğunu mütehammil bulunan Hayrünnisâ bt. merhûm Hamza Çelebi kıbelinden istimâ‘-ı da‘vâya ve gayrısına vekîl olan Mevlânâ Ali b. Ömer mahzarında, Mehmed b. merhûm Hamza Çelebi nâm sagīre vasî olan fahrü’l-eimmeti’l-kirâm Saray-ı âmire imamı Mevlânâ Ömer kıbelinden vekîl olan Mehmed b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müteveffâ-yı mezbûr Hamza Çelebi hâl-i yesıhhu ikrârında üzerinde ve zimmetinde vâlide-i merhûmesi Şâh Hûbân bt. Abdullah Vakfı’na on bin akçe borcu olduğunu ikrâr ve i‘tirâf eyledi. Şu cihetle ki, mezbûre annesi Şâh Hûbân mahmiye-i Kostantıniyye mahallâtından Frenk mahallesinde vâki‘, bir tarafından hâkim-i muvakkı‘-ı a‘le’l-kitâb bi-hattihi’ş-şerîfi’l-müstetâb mülkü, bir tarafından tarîk-ı âm, bir tarafından ( ) mülkü ile mahdûd menzilini cümle hudûdu ve kâffe-i hukukuyla alâ vefkı’l-hayrât ve sunûfi’l-meberrât vakfedip kendisini de vakf-ı mezbûra mütevellî nasbetmişti. Menzil-i mezbûru sattı ve semenini kabzetti. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Fi’l-mezbûr Şuhûdü’l-hâl: Şuhûd a‘lâhu