Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 279 Hüküm no: 509 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi b. Mustafa’nın babasına ait tımar mahsulünden olan alacağını tahsil etmesi Ahmed Çelebi b. Mustafa nâm kimesne meclis-i şer‘-i şerîfde Fâik b. Abdullah mahzarında ikrâr ve takrîr-i kelâm kılıp işbu zikr olunan vâlidim merhûm Mustafa Çelebi Bey tımarı mahsûlâtından işbu mezbûr Fâik nâm kimesne kabz etdiği elli bir bin akçeyi bî-kusûr alıp kabz eyledim. Mezkûrun zimmetinde bir akçe ve bir habbe bâkī kalmadı dedikde mukırr-ı mezbûru mukarrun-leh-i mezbûr bi’l-müvâcehe tasdîk edip mâ-vaka‘a bi’t-taleb kayd olundu. Şuhûdü’l-hâl: Mansur b. Durmuş el-Hayyât, Mehmed b. Veli el-İmâm, Mehmed b. Abdullah es-Silâhî, Hüseyin b. Abdullah, Muhyiddin el-İmâm, Muharrem b. Hüseyin, Abdi b. Hüsâm.