Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 283 Hüküm no: 517 Orijinal metin no: [71b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Abdi b. Ramazan’ın vârisinin babası olduğu Mehmed b. Mustafa ve Mustafa b. Osman nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, kasaba-i Ankara mahallâtından Karaz mahallesi sükkânından Ramazan b. el-Hâc Nebi’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, bundan akdem mahmiye-i Kostantıniyye’de Kapan Hanı’nda fevt olan ve muhallefâtı Beytülmâl-i mezbûr tarafından zabt edilen Abdi b. Ramazan’ın vârisidir. Şu cihetle ki, müdde‘î-yi mezkûr, müteveffâ-yı merkūmun babasıdır. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye hâkim şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Mahmud b. Seydi kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Şuhûdü’l-hâl: Ahmed b. Süleyman, Mehmed b. Abdullah, Bâli b. Abdullah