Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 290 Hüküm no: 531 Orijinal metin no: [73b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun bt. Nureddin’in Çerkez asıllı kölesini anlaşma yoluyla âzâd ettiği (Mükâtebe) Zevcesi Emine Hatun bt. merhûm Nureddin kıbelinden husûs-ı âti’z-zikre vekâleti Mustafa b. Cihan ve Hüdâverdi b. Yunus’un şehâdeti ile sâbit olan fahrü’l-ulemâi ve’l-e‘âlî zahrü’l-fudalâi ve’l-ahâlî Mevlânâ Alâeddin b. Yakub meclis-i şer‘a hâzır olup müvekkile-i mezbûresinin Çekeziyyü’l-asl, orta boylu, açık kaşlı, elâ gözlü hâmile-i hâze’l-kitâb Ferhad b. Abdullah nâm abd-i memlûkini beş bin beş yüz akçeye kitâbete kestiğini, elân abd-i mezbûrun sâhibe-i mezbûresine meblağ-ı merkūmu tâm ve kâmilen edâ ettiğini ikrâr eyledi. Abd-i mezkûr bu sûretle sâir ahrâr gibi hür oldu. Vâki‘ ikrâr, gulâm-ı mezkûr tarafından vicâhen ve şifâhen tasdîk edildi. Cerâ zâlike ve hurrire fî 27 Şevvâl sene 965 Şuhûdü’l-hâl: Mahmud b. Abdullah, Hüseyin b. Ali, Ali b. Abdullah, Ahmed b. Süleyman