Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 293 Hüküm no: 539 Orijinal metin no: [74b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Önceden Sinanüddin el-Kirmastî Evkafı’nda mütevellî olan Abdülkâdir Çelebi’nin vakıf malından zimmetinde akçe olduğu Mevlânâ Sinanüddîn el-Kirmastî Evkāfı’na sâbıkā mütevellî olan merhûm-ı mezkûrun evlâdından fahrü’l-kuzâti’l-izâm Mevlânâ Abdülkādir Çelebi meclis-i şer‘-i şerîfde hâliyâ evkāf-ı mezbûreye câbî olan Ahmed b. Ebubekir mahzarında ikrâr ve takrîr-i kelâm edip zamân-ı tevliyetimden zimmetimde vakf-ı mezbûr malından altmış yedi bin beş yüz akçe asldan ve beş bin elli akçe ribhden vardır ve zikr olunan ribhden olan meblağ mü’ecceldir târîh-i kitâb gurresi Muharremi’nden sene-i mezbûre gāyetine varınca dedikde mukırr-ı mezbûru mezkûr câbî bi’l-müvâcehe tasdîk edip mâ-vaka‘a bi’t-taleb kayd olundu. Şuhûdü’l-hâl: Mevlânâ Hüsrev Çelebi b. el-Merhûm Mehmed Çelebi, Abdi Halîfe b. Ali, Mevlânâ Şemseddin Efendi, Abdi b. Habib el-Mu‘allim.