Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 298 Hüküm no: 551 Orijinal metin no: [76a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Nakkaş Abdi b. Mustafa’nın vârisinin oğlu Fethullah olduğu Ramazan b. Mustafa ve Derviş Mehmed b. Hacı Abdi nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, mahrûse-i Bursa mahallâtından Murad Han mahallesi sükkânından Fethullah b. Mustafa b. Hüseyin’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, mahmiye-i merkūme mahallâtından Hamamcı mahallesi sükkânından olup bundan akdem Prizren livâsında Mîzân-ı harîr emîni iken fevt olan ve mahmiye-i merkūmede vâki‘ muhallefâtı 963 senesi Zilka‘de ayının dördünde Beytülmâl-i mezkûrun emîn-i sâbıkı Mehmed b. Ali tahvîliyle Hızâne-i âmire’ye vâsıl olan Nakkāş Abdi b. Mustafa’nın usûbet-i nesebiyye cihetiyle vârisidir. Şu cihetle ki, müdde‘î-yi mezkûr, müteveffâ-yı mezkûrun ana-baba bir karındaşıdır. Babaları Mustafa ve cedleri Hüseyin’dir. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye hâkim şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Emir Hüseyin b. Seyyid Sinan kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 13 Zilka‘de sene 965 Şuhûdü’l-hâl: Rıdvan b. Mehmed, Ahmed b. Süleyman