Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 301 Hüküm no: 557 Orijinal metin no: [76b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pervâne b. Abdullah’ın efendisi tarafından vasiyetle âzâd edilmiş olduğu Şücâ‘ b. Abdullah ve el-Hâc Ahmed b. Abdullah nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, Macariyyü’l-asl, orta boylu, açık kaşlı, elâ gözlü, buğday tenli Pervâne b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, bundan akdem mahmiye-i merkūmede fevt olan ve muhallefâtı Beytülmâl-i mezbûr tarafından zabt edilen Hakanî kapıcılarından Şîrmerd b. Abdullah hâl-i hayâtında hâmil-i hâze’l-kitâb müdde‘î-yi mezkûr abd-i memlûkini tedbîr-i mutlak ile tedbîr eylemişti. Elân Beytülmâl-i mezbûra intikal eden cemî‘ muhallefâtından çıkarılıp sâir ahrâr gibi hür oldu. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye hâkim şehâdetleri mûcebince hükmetti. Cerâ zâlike ve hurrire fî 24 Zilka‘de sene 965 Şuhûdü’l-hâl: Ahmed b. Abdullah, Murad b. Abdullah