Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 303 Hüküm no: 562 Orijinal metin no: [77a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Angli v. Yorgi nâm Nasrânînin, terekesi Beytülmâl tarafından zabt edilen Cani v. Ditmoni’de karzdan ve sattığı buğday bedelinden alacağı olduğu Ali Çavuş b. Oruç Bey ve Mehmed b. Bâli nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, mahrûse-i Selanik sükkânından Angli v. Yorgi nâm Nasrânîden sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûrun, kazâ-yı Midilli tevâbi‘inden Ersullu karyesi ahâlîsinden olup mahmiye-i Kostantıniyye meydanında vefât eden ve muhallefâtı zeylde mastûr senenin Zilka‘de ayının altıncı günü Hızâne-i âmire’ye vâsıl olan Cani v. Ditmoni’nin zimmetinde karz-ı şer‘î cihetinden ve müşterâ-yı makbuz buğday bahasından yirmi bin iki yüz kırk sekiz akçe hakkı vardır. Meblağ-ı mezbûrun dört bin akçesi karzdan, bâkıyesi ise buğday bahâsındandır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, müdde‘î-yi mezbûra meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamâmen sâkıt olmadığına dâir yemîn verip meblağ-ı merkūmun edâsına hükmetti. Bu hüküm mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 28 Zilka‘de sene 965 Şuhûdü’l-hâl: İbrahim b. Mustafa, Ahmed b. Ali, Bâli Bey b. Pîr Ahmed ve gayrühüm mine’l-hâzırîn