Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 309 Hüküm no: 569 Orijinal metin no: [79b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Abdülevvel b. Seyyid Mehmed’in para vakfı Kıdvetü ashâbi’l-hasebi’t-tâhir zübdetü erbâbi’n-nesebi’z-zâhir Mevlânâ Seyyid Abdülevvel b. iftihârü’l-emâcidi’l-a‘lâm sadrü’l-fudalâi’l-fihâm mezîdü zamânihî ve hayri ahdihî ve avânihî ed-dâric ilâ rahmeti rabbihî ve gufrânihî el-müvellâ el-esadi’l-emâcid Seyyid Mehmed meclis-i şer‘a hâzır olup niyyet-i sâfiye ile tâmmü’l-vezn sahîhü’l-ayâr yüz yirmi sikkesini malından ifrâz ettikden sonra habsedip vakfetti ve tescîl maksadıyla mütevellî nasbettiği Mevlânâ Hızır b. Mehmed’e teslîm etti. O dahî tesellüm etti. Vâkıf-ı mezbûr sonra tevliyeyi müddet-i hayâtınca nefsine şart eyledi. Sonra meblağ-ı mezbûrun noksansız ziyâdesiz senede ona on bir üzere istirbâh ve istiğlâl edilmesini şart eyledi. Ribh ve galleden hâsıl olandan yevmî bir akçenin dilediği ve seçtiği bir yerde Kur’ân-ı azîmden bir cüz okuyacak kimseye şart eyledi. Kırâatı da müddet-i hayâtınca Mehmed b. Kasım’a sonra eslah-ı evlâdına, sonra ile’l-inkırâz eslah-ı evlâd-ı evlâdına, sonra hâkimin münâsib göreceği kimseye şart eyledi. Yevmî bir akçenin dilediği ve seçtiği bir yerde Furkān-ı kerîmden bir cüz okuyacak kimseye şart eyledi. Kırâatı da müddet-i hayâtınca hatîb Abdullah b. ( )’a sonra hayatta ise vâkıf-ı mezbûrun seçeceği kimseye, hayatta değilse hâkimin münâsib göreceği kimseye şart eyledi. Nezâret-i hasbiyyeyi Mehmed b. Kasım’a şart eyledi. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Makāl cânibeyn tarafından tamamlandığında vâkıf-ı mezbûr vakf-ı nukūdun adem-i sıhhatine ve lüzûmuna mütemessiken vakıfdan rucû‘ edip mütevellîye teslîm ettiğini istirdâd eyledi. Mütevellî-yi merkūm ise İmâm-ı Züfer kavliyle sıhhat ve lüzûm-i vakf-ı nukūda istinâden münâza‘a edip hâkim-i kirâm indinde murâfa‘a ve muhâsama olunduğunda hâkim-i muvakkı‘ a‘lâhu İmâmeyn kavli üzere vakfın sıhhatine ve lüzûmuna hükmetti. Bu sûretle vakıf, lâzım, müseccel ve müebbed bir vakıf oldu. Ve ecrü’l-vâkıf ale’l-hayyi’l-kerîm. Fe-men beddelehû el-âyetü. Cerâ zâlike ve hurrire fî evâili Ramazâni’l-mübârek sene 965 Şuhûdü’l-hâl: Mevlânâ Yusuf Çelebi b. Şâh Çelebi el-kādî, Ahmed b. Mustafa, Bâli Halife b. Ebubekir, Mehmed b. Hacı, Kasım Çelebi, Sinan Halife ve gayruhüm mine’l-hâzırîn