Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 52 Hüküm no: 6 Orijinal metin no: [1a(2)-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa ve Behram beylerin kurdukları vakıf << (…) Mezbûrede Semekpazarı [vâki‘] olup ma‘lûmü’l-hudûd (…) bağı olan menzilini dahi vakf edip şöyle şart eyledi ki: (…) Kendi hayâtta oldukça mezbûre tasarruf edip vefâtından sonra menzil-i mezkûru (…) münâsib akāra tebdîl olunup [Hacı Hızır] mescidinde imâm olanlara yevmî bir akçe verile (…) ba‘de salâti’l-fecr sûre-i Yâsin tilâvet edeler ve sevâbını rûh-i vâkıf (…) rûhuna (…) Vâkıf-ı mûmaileyhin bundan akdem vefât eden karındaşları merhûm Mustafa Bey ve merhûm Behrâm Bey hâl-i hayâtlarında sülüs-i mallarını sebil-i hayrâta sarf olunmağı vasiyyet edip ve mezbûr Mütevellî Bekir Ağa’yı murad edinerek vech üzre vücûh-i hayrâta sarfa vasiyy-i muhtâr etmişler idi. Müşârunileyh müvekkilim Ahmed Ağa vesâyeti hasebiyle mezbûr Mustafa Bey’in sülüs-i malından yedi bin akçe ve merhûm Behrâm Bey’in sülüs-i malından iki bin akçe, cem‘an dokuz bin akçeyi dahi vesâyeti ile kabz edip vakıf ve habs eyleyip mütevellî-i mezbûra teslîm eyledi. Ol dahi tesellüm ve kabz eyledi. Ve şöyle şart eyledi ki: Kendi evkāfına kim mütevellî olursa buna dahi ol mütevellî olup onu on bir olmak hesâbı üzre istiğlâl ve istirbâh olunup içinden yevmî iki akçe her kim mezkûr Hacı Hızır Mescidi’nde müezzin olursa ana verile. Hergün ba‘de salâti’s-subh bir cüz’-i şerîf tilâvet edip sevâbını merhûm Mustafa Bey ve merhûm Behrâm Bey rûhlarına hediye ede. Ve mâdem ki Kalender nâm kimesne hayâtta ola hergün ba‘de salât-i (…) mescid-i mezbûrda Sûre-i Amme tilâvet edip her senede ikişer yüz akçeye mutasarrıf ola. Ba‘dehû mescid-i mezbûra her kim imâm olursa Sûre-i Amme’yi ol tilâvet ede (…) karındaşı oğlu hayâtta oldukça cemî‘ evkāfın tevliyeti ve sâir tasarrufât-ı şer‘iyyesi tek yedinde ola. Andan sonra utekāsından Keyvan b. Abdullah (…) ba‘de’l-inkırâz inkırâz re’y-i hâkim eliyle bir müstakīm kimesne mütevellî ola. Mezbûr Ahmed Efendi vasiyy-i muhtâr olduğu tarîk-i şer‘î üzre [mütevellî] ola (…) dahi sıhhat-i vakfiyetine hükm olundu. Mâ vaka‘a bi’t-taleb kayd olundu. Tahrîren fî evâili âhiri’r-rebî‘ayn sene 970. Şuhûdü’l-hâl: (…) >> [1b, Arapça] Bismillah, 970 senesi Rebî‘ulâhir ayının yirmi beşinci günü, ben el-fakīr el-hakīr Ahmed b. Süleyman, er-râcî afve rabbihi’l-mennân.