.:: İstanbul Kadı Sicilleri ::. 

Beşiktaş Mahkemesi 2 Numaralı Sicil (H. 966-968 / M. 1558-1561)
cilt: 42, sayfa: 171
Hüküm no: 310
Orijinal metin no: [37b-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Hacıbola bt. Hacı Mehmed’in Seyyid Ali b. Şeyh Ali’den 600 akçe alacağı olduğu

Vech-i tahrîr-i sicil oldur ki

Hâcıbola bt. Hâcı Mehmed nâm hatun Seyyid Ali b. Şeyh Ali mahfil-i şer‘a ihzâr edip üzerine takrîr-i da‘vâ edip işbu müşârun-ileyh Seyyid Ali zimmetinde üç bin altı yüz akçe karzdan hakkım vardı üç bin akçesin sâbıkā alıp kabz etmişdim bâkī altı yüz akçe hakkım kaldı hâliyâ taleb ederim deyicek gıbbe’s-suâl mezbûr Seyyid Ali vicâhen ikrâr-ı tav‘ıyle cevâb verdiği bi’t-taleb kayd-ı sicil olundu.

Tahrîren fi’l-yevmi’l-hâmis ve’l-ışrîn min şehri Cumâdelâhire sene 967.

Şuhûd: İsmail Çelebi b. Hayreddin, Dede b. Abdullah el-râcil, Hüsrev b. Abdullah, Mehmed b. Asker, Mehmed b. Mustafa el-muhzır ve gayruhüm mine’l-hâzırîn.