Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 174 Hüküm no: 316 Orijinal metin no: [38a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasnâ bt. Abdullah’ın muhallefâtının kocası ile Beytülmâl arasında yarıyarıya taksim edildiği Vech-i tahrîr-i sicil oldur ki Beşiktaş’da sâkine olup fevt olan Hasnâ bt. Abdullah’ın muhallefât-ı mevcûdesi müteveffiyetü’l-mezbûrenin zevci Murad b. İnebeyi ve âmme beytü’l-mâl zâbiti İbrahim Subaşı b. Hayreddin nâm kimesneler bi tarîki’l-münâsafa muhallefât-ı mevcûde taksîm olunup her biri hisse-i şer‘iyyesini alıp kabûl [ve] kabz etdikden sonra irse müte‘allik da‘vâ ve nizâ‘ kalmadığına tarafeynden talebleri ile sebt-i sicil olundu. Tahrîren fi’t-târihi’l-mezbûr. Şuhûd: İsmail Çelebi b. Hayreddin, Mevlânâ Mehmed b. Veli el-imâm, Abdurrahman b. Ali bevvâb-ı mîrî, Hüsam b. Nebî el-muhzır, Mustafa b. Abdullah el-muhzır, Mehmed b. Mustafa el-muhzır ve gayruhüm mine’l-hâzırîn.