Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 178 Hüküm no: 326 Orijinal metin no: [39a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsteniko v. Karaoğlan’ın babasından intikal eden miras hissesini Haça v. Avin’den teslim aldığı Vech-i tahrîr-i sicil oldur ki Ayafoka nâm karyeden İsteniko v. Karaoğlan mahfil-i şer‘a hâzır olup Haça v. Avin nâm Ermeni mahzarında ikrâr-ı şer‘î kılıp bundan akdem fevt olan babam Karaoğlan’dan bana irsle intikāl eden hisse-i şer‘iyyem dört bin nakd-i râyic fi’l-vakt fıddî akçe işbu sâhibü hâze’s-sicil Haça nâm Ermeni elinden bî-kusûr ve lâ-küsûr alıp kabûl [ve] kabz etdim elân makbûzumdur dedikde mukırr-ı mezbûru mezbûr Ermeni talebiyle kayd-ı sicil olundu. Şuhûd: Şuhûdü’l-mezbûre.