Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 179 Hüküm no: 330 Orijinal metin no: [39b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İskender b. Abdullah’ın Sinan Paşa Vakfı’na 125 akçe borcu olduğunu ikrâr ettiği Vech-i tahrîr-i sicil oldur ki Beşiktaşı’ndan merhûm Sinan Paşa Evkāfı’nda hâliyâ câbî olan Hamza b. Abdullah, İskender b. Abdullah[‘ı] mahfil-i şer‘a ihzâr, üzerine takrîr-i da‘vâ, bundan akdem evkāf-ı mezbûre odalarından bir odayı işbu müşârun-ileyh İskender’e icâreye verip süknâsını iki akçe icâreden ve yetmiş altı akçe pereme kalafâtından olup cem‘an yüz elli sekiz akçe olup hâliyâ taleb ederim deyicek gıbbe’s-suâl mezbûr İskender an-tav‘in ikrâr ile cevâb verip altmış [akçe] icâre-i oda ve altmış beş akçe peremeden cem‘an yüz yirmi beş akçe olup mâ vaka‘a bi’t-taleb mezbûrun ikrârı kayd olundu. Şuhûd: Hüsam b. Nebî el-muhzır, Hüseyin b. Abdullah, Ramazan b. Mahmud, Mustafa b. Abdullah el-muhzır ve gayruhüm mine’l-hâzırîn. Yevmü’l-isneyn, fî 5, h[âlî]