Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 215 Hüküm no: 329 Orijinal metin no: [58a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun'un terekesi Medîne-i Üsküdar muzâfâtından Adalar nâhiyesine tâbi‘ Kartal nâm karyede sâkine iken bundan akdem vefât eden Havva bt. el-Hâc Abdullah’ın verâseti zevc-i metrûku el-Hâc Mehmed ile sulbî sagīr oğlu Mehmed ve sulbiye sagīre kızları Nefise ve Hadice ve kebîre kızı Rukiye’ye münhasıra olduğu şer‘an zâhir oldukdan sonra sagīrûn-ı mezbûrûnun tesviye-i emirlerine kıbel-i şer‘den nasb olunan vasîleri babaları mezbûr el-Hâc Mehmed ve mezbûre Rukiye’nin ma‘rifetiyle tahrîr ve taksîm olunan terekesidir ki ber-vech-i âtî zikr olunur. Fi’l-yevmi’l-ışrîn min-Zilka‘de li-sene selâse ve ışrîn ve mi'e ve elf. Minder 3 36 akçe Yasdık 6 46 akçe Orta kaliçesi ve yan 1 240 akçe Kilim 1 150 akçe Yorgan 3 180 akçe Sahan 5 150 akçe Leğen 1 120 akçe Tencere 3 380 akçe Anteri 4 240 akçe Sincab kürk 1 400 akçe Gömlek 5 250 akçe Hırka kurade 1 360 akçe Güğüm 1 259 akçe Yan kaliçesi 1 150 akçe Sîm kuşak 1 160 akçe Hırdavat-ı menzil 600 akçe Bir mazala? hora bağı 15.000 akçe Bir mazala kış bağı 3.000 akçe Hisse-i menzil 6.000 akçe Mülk menzil 2.000 akçe Nikâh-ı sânî der-zimmet-i zevc-i mezbûr 2.000 akçe Yekûn: 31.470 akçe Minhe’l-ihrâcât; Resm-i âdî ve harc-ı hüddâm ve kâtibiye: 1.200 akçe Sahhu’l-bâkī li’t-taksîm beyne’l-verese: 30.270 akçe Hissetü’z-zevci’l-mezbûr 7.567 akçe Hissetü’l-ebi’l-mezbûr Mehmed 9.080 akçe Hissetü’l-binti’l-mezbûr Nefise 4.540 akçe Hissetü’l-binti’l-mezbûr Hadice 4.540 akçe Hissetü’l-binti’l-mezbûr Rukiye 4.540 akçe Kesr-i bâkī 3 akçe