Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 229 Hüküm no: 343 Orijinal metin no: [62a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe, Ahmed Beşe ve diğer Ahmed Beşe'nin yasakçı tayin edildiği İzzetlü ve fazîletlü Kartal kādısı efendi hazretlerinin huzûr-ı şerîflerine dürer-i da‘avât-ı hâlisa ithâfından sonra inhâ-yı muhibbâne ve muhlisânemiz budur ki, hâlâ taht-ı hükûmetinizde vâki‘ yasakçı yoldaş ref‘ olunup yerine üslûb-ı sâbık üzere dergâh-ı âlî yeniçerilerinden Mehmed Beşe ve Ahmed Beşe ve diğer Ahmed Beşe nâm yoldaş kazâ-i mezbûrdan yalnız iki değnek yasakçı nasb ü ta‘yîn olunmağın işbu mektûb tahrîr olunup irsâl olunmuşdur. Vusûlünde gerekdir ki merkūmu yasakçılık umûrunda istihdâm edip âhardan bir ferdi dahl ü ta‘arruz etdirmeyip düşen husûslarına bi-hasebi’ş-şer‘ ve’l-kānûn her vechile imdâd ve i‘ânet edip ve lâkin hilâf-ı şer‘-i şerîf bir kimesneye rencîde vü remîde etdirmeyesiz. Bâkī ilm [ü] fazîlet dâim bâd. Tahrîren fî-gurreti şehri Cemâziyelevvel sene 1124 Hasan Kethüdâ-i Yeniçeriyân.