.:: İstanbul Kadı Sicilleri ::. 

Kartal Mahkemesi 1 Numaralı Sicil (H. 1128-1133 / M. 1716-1721)
cilt: 62, sayfa: 234
Hüküm no: 354
Orijinal metin no: [64b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Miri tuz varken tüccardan tuz alıp devleti zarara sokanlar hakkında gerekenin yapılması

Düstûr-ı mükerrem müşîr-i müfahham nizâmü’l-âlem müdebbiru umûri’l-cumhûr bi’l-fikri’s-sâkıb mütemmimü mehâmi’l-enâm bi’r-re'yi’s-sâib mümehhidü bünyâni’d-devlet ve’l-ikbâl müşeyyidü erkâni’s-sa‘âdeti ve’l-iclâl el-mahfûfu bi-sunûfi avâtıfi’l-meliki’l-a‘lâ vezâretle bi’l-fi‘il Dergâh-ı mu‘allâm yeniçeri ağası olan vezîrim Mehmed Paşa -edâmallâhu te‘âlâ iclâlehû- ve akzâ kuzâti’l-müslimîn evlâ vülâti’l-muvahhidîn ma‘denü’l-fezâil ve’l-yakīn râfi‘u a‘lâmi’ş-şerî‘ati ve’d-dîn vârisü’l-ulûmi’l-enbiyâi ve’l-mürselîn el-muhtassu bi-mezîdi inâyeti’l-meliki’l-mu‘în İstanbul ve Galata ve Üsküdar ve Haslar kādıları -zîde fazluhum- ve mefâhirü’l-kuzât ve’l-hükkâm ma‘denü’l-fazl ve’l-kelâm İznikmid ve Varna kādıları ve Çekmece-i kebîr ve sagīr ve Bigados ve Silivri ve Midye ve Gekbüze ve Kandıra ve Karamürsel nâhiyeleri nâibleri -zîde fazluhum- ve kıdvetü’l-emâcid ve’l-a‘yân Tersâne-i âmirem emîni -zîde fazluhû- ve mefâhirü’l-emâsil ve’l-akrân kethüdâ yerleri ve yeniçeri serdârları ve a‘yân-ı vilâyetin iş erleri -zîde kadruhum- tevkī‘-i refî‘-i hümâyûn vâsıl olucak ma‘lûm ola ki ber-vech-i mâlikâne Ahyolu memlehası emîni olan kıdvetü’l-emâcid ve’l-a‘yân Seyyid Mehmed -zîde mecdühû- Dîvân-ı hümâyûnuma arzuhâl edip ba‘zı rüesâ tâifesi hilâf-ı şürût askerîlik iddi‘âsıyla sefineler ile memleha-i mezbûrun örüsü olan iskelelere gelip zâbitlere ve kādılara birer mikdâr akçe vermeleriyle murâdları üzere tuz fürûht ve mîrîye gadr etmeleriyle ol makūle hilâf-ı şürût berât mîrîye gadr eden reislerin tuzların mîrî için girift olunmak üzere emr-i şerîfim verilmek bâbında istid‘â inâyet etmeğin Hazîne-i âmire’de mahfûz üzere baş mukāta‘a defterlerine nazar olundukda emîn-i mûmâ-ileyhin mâlikâne uhdesinde olan Ahyolu memlehası mukāta‘asının İstanbul ve Galata ve Üsküdar ve Haslar ve İznikmid ve Çekmeceler ve Adalar ve Midye ve Varna kazâları ve iskeleleri kadîmî örüsü olmağla mîrî tuz fürûht olunup âhardan gelen tuzdan mîrî için resm alınıp ve mîrînin tuzu var iken tüccâr tuzu fürûht olunmayıp ve fürûht edenlerin muhkem haklarından gelinmek üzere iken gemici tâifesinden ba‘zıları etrâfından sefinelerine tuz koyup mukāta‘a-i mezbûrun örüsü olan mahâll-i mezkûrelere gece ile varıp.