.:: İstanbul Kadı Sicilleri ::. 

Kartal Mahkemesi 1 Numaralı Sicil (H. 1128-1133 / M. 1716-1721)
cilt: 62, sayfa: 237
Hüküm no: 358
Orijinal metin no: [65b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Adalar ve Darıca cizye tahsildarlığının Hasan Efendi'ye verildiği

Vech-i tahrîr-i hurûf budur ki,

Bin yüz yirmi beş senesine mahsûb olmak üzere berât-ı şerîf-i âlîşân ile cibâyetine memûr olduğumuz İstanbul ve tevâbi‘i hazînesi aklâmından Adalar ve Darıca ve tevâbi‘i nâhiyelerinde sâkin ve mütemekkin kefere ve Yahûdi ve Erâmine-i Acem berât-ı âlîşân şürûtu ve esnâf-ı selâse i‘tibârıyla ve sene-i sâbık mukābelesi üzere gayr-ı ez-teftîş evrâk-ı cizyeleri tevzî‘ ve mâl-ı mîrîleri berât-ı âlîşân şürûtu üzere cem‘ ü tahsîl ve vaktiyle edâ ve teslîm eylemek şartıyla kendü talebiyle tâlibi olanlardan işbu bâ‘isü’t-temessük izzetlü Hasan Efendi’ye deruhde ve iltizâm olunup inşâallâhu te‘âlâ gurre-i Şa‘bânü’l-mu‘azzamda evrâk-ı cizyenin tevzi‘ine mübâşeret ve berât-ı âlîşân şürûtuna kat‘â tecâvüz eylemeyip re‘âyâdan dahi bir akçe ve bir habbe ziyâde taleb eylemeyip ve İstanbul’a dahi bir evrâk sürmemek şartıyla kavl-i şer‘î ve şürût-ı mer‘î olunup şürût-ı kuyûd-ı mezbûr ile vech-i şer‘î üzere evrâk-ı cizye tevzi‘ine müdâhale olunmamak için işbu temessük verilmişdir.

Tahrîren fî-gurreti Ş sene 1124

el-Hâc Veli Hazînedâr-ı İstanbul hâlâ.