|
Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 238 Hüküm no: 360 Orijinal metin no: [65b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Tersaneye Adalar ve Gebze'den Karadeniz ahvalini bilen yeniçeri gönderilmesi
İzzet-meâb Adalar nâibi ve Gekbüze nâibi efendi el-mükerremân ba‘de’s-selâm
İnhâ olunur ki, nâhiye-i mezbûrândan sekiz nefer reis ve altmış dört nefer Karadeniz ahvâli bilir yeniçeri tedârik ve yarar kefîlleri alınıp ücretleri taraf-ı mîrîden verilmek üzere inşâallâhu’l-mevlâ bin yüz yirmi beş senesi Rebî‘ülevveli gurresinde Tersâne-i âmire’de mevcûd bulunmak üzere ta‘yîn buyurulan Abdurrahman Çavuş yediyle sâdır olan fermân-ı âlîşân ve defter ve sa‘âdetlü kapudan paşa hazretleri tarafından verilen buyuruldu mûcebince bi’t-taleb mürâsele tahrîr ve irsâl olundu. Lede’l-vusûl gerekdir ki, husûs-ı mezbûru ahâlî-i vilâyet ma‘rifetiyle emr ü defter mûcebince bir gün evvel tedârik ve ihzâr etmenizde her biriniz dikkat ve ihtimâm edip mûceb-i mürâsele ile âmil olasız ve’s-selâm.
Fî 20 Zilhicce sene 1124
El-Fakīr İsmail el-müvellâ-hilâfeten bi-medîneti Üsküdar.
|