|
Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 239 Hüküm no: 366 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Hüseyin'in annelerinden miras kalan eşyalar hakkında kardeşi Osman'a dava açtığı
Adalar nâhiyesine tâbi‘ Emirli köyü sâkinlerinden iken bundan akdem müteveffiye olan Saime Hatun’un oğulları Osman ve Mehmed ve Hüseyin ve Hızır’a verâseti sâbit oldukdan sonra mezkûr Hüseyin, Osman muvâcehesinde da‘vâ ve takrîr-i kelâm edip vâlidem Saime’den bize irsle intikāl eden muhallefâtdan iki yasdık ve bir yorgan ve bir minder ve bir kilim ve bir büyük tencere ve bir leğen ve bir sahan ve bir kara sığır ineği ve bir sofra? karındaşım fuzûlen zabt eder, gıbbe’s-suâl merkūm cevâbında mezkûr cevâbında bana bu eşyâyı satdı dedikde beyyine taleb olundukda İmâm Yahya Efendi ve Ahmed b. Halil her biri huzûr-ı şer‘de târîh-i kitâbdan iki sene mukaddem on beş guruşa bey‘ etdi deyü şehâdet etdikleri kayd şüd.
|