Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 91 Hüküm no: 68 Orijinal metin no: [17b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Yusuf'un vasisi olduğu küçük kızı Hatice için babası Osman'ın terekesinden nafaka talebi Medîne-i Üsküdar muzâfâtından Adalar nâhiyesine tâbi‘ Kartal karyesinde sâkin iken bundan akdem fevt olan Osman nâm müteveffânın sulbiye sagīre kızı Hadice’nin vâlidesi ve mürebbiyesi olan Havva bt. Yusuf nâm hatun meclis-i şer‘-i hatîr-i lâzımü’t-tevkīrde takrîr-i kelâm ve ta‘bîr ani’l-merâm edip sagīre-i mezbûrenin babası müteveffâ-yı mezbûrun metrûkâtından irs-i şer‘le intikāl eden mâlından nafaka ve kisve ve sâir mühimmât-ı lâzımesi içün yevmî üçer akçe takdîr olunmasını taleb ederim dedikde hâkim-i muvakkı‘-ı müstetâb vech-i meşrûh üzere sagīre-i mezbûrenin babası müteveffâ-yı mezbûrdan intikāl eden mâlından nafaka ve kisve ve sâir harc-ı lâzımesi içün târîh-i kitâbdan yevmî üçer akçe nafaka takdîr olunup inde’l-ihtiyâc istidâne ve vakt-i zaferde rücû‘a izin verilmeğin mâ-hüve’l-vâki‘ bi’t-taleb ketb olundu. Hurrire fî-gurreti Rebî‘ülâhire sene 1121 Şuhûdü’l-hâl: el-Hâc Ali Ağa b. Yakub, Hüseyin Beşe, Berber İbrahim Çelebi, Serdâr Ahmed Odabaşı, Mehmed Beşe b. Ahmed. Temme’l-kelâm fî-hâze’l-makām nemakahü’l-fakīru ileyhi subhânehû ve te‘âlâ Mustafa el-müvellâ-hilâfeten be-nâhiye-i Adalar -ufiye anhu- (Mühür) Temme’l-kelâm fî-hâze’l-makām nemakahü’l-fakīru ileyhi subhânehû ve te‘âlâ Mustafa el-müvellâ-hilâfeten be-nâhiye-i Adalar -ufiye anhu-