Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 160 Hüküm no: 229 Orijinal metin no: [39a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yakacık köyünden vefat eden Mehmed'in küçük çocuklarına anneleri Fatma'nın vasi tayin edilmesi Medîne-i Üsküdar’a muzâfe Adalar nâhiyesine tâbi‘ karye-i Yakacık’da sâkin iken bundan akdem vefât eden Mehmed b. Murad’ın sulbî sagīr oğlu Halil ile ve sulbiye sagīre kızı Emine’nin vâlideleri Fâtıma bt. Abdülkerim Hatun meclis-i şer‘-i hatîr-i lâzımü’t-tevkīrde takrîr-i kelâm edip sagīrân-ı mezbûrânın babası müteveffâ-yı mezbûrdan irs-i şer‘le intikāl eden malların hıfz içün bir vasî nasbı lâzım olmağın sagīrân-ı mezbûrânın vâlideleri merkūme Fâtıma Hatun mahâll ve müstahak olmağın kıbel-i şer‘den vasî nasb ü ta‘yîn olunup ol dahi vesâyet-i merkūmeyi kabûl ve hizmet-i lâzımelerin edâya müte‘ahhide oldukdan sonra mâ-hüve’l-vâki‘ bi’t-taleb ketb olundu. Hurrire fi’l-yevmi’s-sâlis aşer min-Şevvâli’l-mükerrem li-sene ışrîn ve mi'e ve elf. Şuhûdü’l-hâl: Mehmed Efendi, Davud Bey, İbrahim, Ali Beşe, Halil Beşe, Mehmed Beşe, Osman Beşe, Mustafa Beşe, Ahmed Beşe, Receb Beşe.