Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 163 Hüküm no: 233 Orijinal metin no: [39b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Soğanlık köyünden Mehmed'in bağını İbrahim Çelebi'ye satması Medîne-i Üsküdar’a muzâfe Adalar nâhiyesine tâbi‘ karye-i Soğanlık sükkânından el-Hâc Mehmed b. Mustafa nâm kimesne meclis-i şer‘-i hatîr-i lâzımü’t-tevkīrde işbu hâfizü hâze’l-kitâb el-Hâc İbrahim Çelebi mahzarında ikrâr-ı tâm ve takrîr-i kelâm edip karye-i mezbûre hudûdunda zeâmât toprağında vâki‘ bir tarafdan İsmail Çelebi bağı ve bir tarafdan el-Hâc Mehmed bağı ve bir tarafdan Mahmud bağı ve bir tarafdan tarîk-i âm ile mahdûd tahmînen beş bin çubuk hora bağımı tarafeynden îcâb ve kabûlü hâvî bey‘-i bâtt-ı kat‘î ile mezbûr el-Hâc İbrahim Çelebi’ye elli beş guruşa bey‘ ve teslîm ve kabz-ı semen eyledikden sonra ol dahi minvâl-i muharrer üzere iştirâ ve tesellüm ve kabz eyledikde semeni olan meblağ-ı merkūm elli beş guruşu merkūm el-Hâc İbrahim Çelebi yedinden bi’t-tamâm ahz u kabz eyledim, ba‘de’l-yevm bağ-ı mahdûd-ı mezkûr mezbûr el-Hâc İbrahim Çelebi’nin mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Hurrire fi’l-yevmi’l-hâmis ve’l-ışrîn min-Şevvâli’l-mükerrem sene 1120 Şuhûdü’l-hâl: el-Hâc Ali Ağa, el-Hâc Ahmed Ağa, Hasan Beşe b. Ali, Mehmed Halîfe, Abdi Beşe ve gayruhum.