Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 164 Hüküm no: 236 Orijinal metin no: [40a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçük Maltepe halkından Mustafa'nın, çiftliğini basan şakilerin yakalanarak cezalandırılmasını istemesi Devletlü ve sa‘âde[tlü] sultanım hazretleri sağ olsun. Küçük Maltepe sâkinlerinden sâbıkā katl-i nüfûs töhmetiyle müttehem Kara Ali ve refîki Receb ba‘de’l-mağrib karye-i mezbûrede vâki‘ çiftliğimi basıp harîminde çiftlik kethüdâsının oğluna fi‘il-i şenî‘ kasd eylediklerinde derûn-ı çiftlikde olan nisvân ve zükûr feryâd edip karye-i mezbûrede sâkin ehl-i zimmet umûmen ahzları içün vardıkda mezbûr şakīler firâr ve ba‘dehu yine karye-i mezbûra gelip hâlâ mevcûd olmalarıyla izzetlü bostancıbaşı ağa ma‘rifetiyle ahz ve huzûr-ı sa‘âdetlerine ihzâ[r] ve keyfiyetleri ahâlî-i karyeden tefahhus ve ba‘de’l-ıtlâ‘ lâzım gelen cezâları tertîb olunmak emr ü fermân devletlü sa‘âdetlü sultanım hazretlerinindir. Bende: el-Hâc Mustafa.