Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 567 Hüküm no: 1108 Orijinal metin no: [107a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Altorki v. Manol’un, Evliyâ Ramazan Vakfı’ndan ödünç aldığı Mahrûse-i Üsküdar’da vâki‘ merhûm Evliyâ Ramazan evkāfına mütevellî olan Mehmed b. Receb mahfil-i kazâda Kadıköyü’nden bâ‘isü’s-sicil Altorki v. Manol nâm zimmî mahzarında ikrâr ve takrîr-i merâm edip vakf-ı mezbûrdan merkūm zimmînin zimmetinde bin akçe asl-ı mâldan ve yüz elli akçe mu‘âmeleden akçe var idi hâlâ meblağ-ı merkūmdan bin yüz akçesin aldım zimmetinde elli akçe kaldı dediği mezbûr zimmî bu âna gelince onunu on bir akçeye olagelmişdir ziyâdeye vermedim vermeziz dediği bi’t-taleb kayd-ı sicil olundu. Şuhûdü’l-hâl: Mehmed [b.] Behrâm, Sefer b. Abdullah, Mehmed b. Habîb, Şemseddin [b.] Sâdık, Mustafa b. Mehmed