Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 568 Hüküm no: 1109 Orijinal metin no: [107a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Enfi b. Ahmed’in, Mehmed Paşa b. Sinan Paşa’dan alacağını tahsil ettiği Mahrûse-i Şam sâkinlerinden Enfi b. Ahmed mahfil-i kazâda bâ‘isü’s-sicil emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâbıkan Şâm-ı şerîf beylerbeyisi olan Mehmed Paşa b. Sinan Paşa tarafından ikrâr-ı âti’z-zikri tasdîka Rüstem Çavuş b. Ahmed ve Ahmed Çavuş b. Abdullah nâm kimesneler şehâdetleriyle sâbitü’l-vekâle olan Pîrî Bey b. Abdullah mahzarında tâbi‘an ikrâr ve takrîr-i merâm edip mûmâileyh paşa hazretlerinin kethüdâsı olan Çakır Kethüdâ yediyle mûmâileyh paşa hazretlerine sekiz yüz sikke altın vermiş idim deyu da‘vâ ve nizâ‘ etmiş idim el-hâletü hâzihî müslimîn tavassut edip mûmâileyhden bir def‘a beş bin Osmânî ve bir def‘a dahi yirmi kırmızı altın sikke yirmişer akçe hesâbı üzre iki bin dört yüz akçe olup cem‘an yedi bin dört yüz akçe olur meblağ-ı mezbûr yedi bin dört yüz akçeyi bî-kusûr alıp mezbûr Çakır Kethüdâ’nın ve müşârunileyh paşa hazretlerinin zimmetlerinde zikr olunan sekiz yüz altın da‘vâsından ibrâ’ eyledim min-ba‘d da‘vâ ve nizâ‘ım yokdur eğer edersem lede’l-hükkâm mesmû‘ ve makbûl olmaya dedikde mukırr-ı mezbûrun vekîl-i mesfûr vicâhen tasdîk edip vâki‘ hâl gıbbe’t-taleb kayd. Şuhûdü’l-hâl: Mukaddem el-Hâc Ebûbekir b. el-Hâc Mehmed eş-Şâmî, el-Hâc Ali b. Mehmed eş-Şâmî, Musli Çelebi b. Şeyh Sinan, Dergâh-ı âlî kâtiblerinden Pîrî Çelebi, Mehmed b. Behrâm, Ali Çavuş an Dergâh-ı âlî, Mehmed b. Habîb, Mustafa b. Mehmed, Ahmed Çavuş, Kâtibü’l-hurûf Maksud