Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 243 Hüküm no: 487 Orijinal metin no: [62a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi b. Ali’nin kefâletlerinden dolayı Yani b. Kosta ve Kosta b. Yani’den 4.500 akçe alacağı olduğu Yevmü’s-sebt, fî 4 Vech-i tahrîr-i sicil oldur ki Beşiktaşı’nda fahrü’l-akrân Mustafa Çelebi b. Ali[‘nin] vekîl-i mutlakı Behram b. Abdullah, Yani b. Kosta ve Kosta b. Yani nâm zimmîleri mahfil-i şer‘-i şerîfe ihzâr edip bundan akdem mezbûr Beşiktaş’da olan fırını Tokılos nâm zimmî[ye] yevmî sekizer akçeye icâreye ve yüz filori dahi sermâye verip mezbûr fırını zabt eder iken gāib olup mezbûrlar meblağ-ı mezkûra ve icâreye cümlesine kefîl bi’l-mâl olmuşdur mezkûr sermâyeden bin beş yüz akçesin mezbûrlar elinden alıp kabz etdim bâkī dört bin beş yüz akçe kaldı hâliyâ taleb ederim deyicek gıbbe’s-suâl mezbûrlar an-tav‘in ikrâr ile cevâb verdikleri mezbûr Behram talebiyle kayd olundu. Tahrîren fi’l-yevmi’r-râbi‘ min şehri Zilka‘de sene 967. Şuhûd: Mehmed b. Mustafa el-muhzır havâle, Todora b. Yorgi ve gayruhümâ.