Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 248 Hüküm no: 499 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todora v. Yorgi’nin içki bedelinden Yani v. Kosta’dan 1.417 akçe alacağı olup ödemesi için üç gün süre verildiği Vech-i tahrîr-i sicil oldur ki Beşiktaş’dan Todora v. Yorgi nâm zimmî Yani v. Kosta nâm zimmî[yi] meclis-i şer‘a ihzâr etdikde üzerine takrîr-i da‘vâ edip işbu Yani’ye bundan akdem üç yüz on üç müdre hamr verdim her müdresi dokuzar akçeden cem‘an iki bin sekiz yüz on yedi akçe olur merkūm akçeden dört yüz akçesin aldım idi hâliyâ bâkī bin dört yüz on yedi akçe hakkım kaldı taleb ederim deyicek gıbbe’s-suâl mezbûr Yani inkâr ile cevâb verip müdde‘î-i mezbûrun da‘vâsına mutâbık beyyine taleb olundukda karye-i mezbûreden Andreya v. Manol ve Kosta v. Yani başmakçı nâm zimmîler edâ-i şehâdet edip eyitdiler ki işbu Todora işbu Yani’ye üç yüz on yedi müdre ve beher müdresi dokuzar akçe bu husûsa biz şâhidleriz şehâdet dahi ederiz dediklerinden sonra mezbûr müdde‘a-aleyh Yani (…) üç gün bana mehil verin dediği vukū‘u üzere bi’t-taleb kayd olundu. Tahrîren fî evâili Recebi’l-mürecceb sene [967] Şuhûd: Mustafa b. Nasûh silahdâr, Hasan b. Abdullah solak, Mehmed b. Mustafa el-muhzır, Mahmud Sofu b. Hasan, Cafer b. Abdi, Ferruh b. Abdullah, Süleyman b. Yahudi, (…) Yahudi.