Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 255 Hüküm no: 516 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Kosta’nın Hasan Beşe Vakfı’na yedi yüz akçe borcu olduğu Hasan Beşe hazretlerinin vekîl-i şer‘îsi ve mütevellîsi olan Şehabeddin Halîfe b. Mehmed nâm kimesne Ortaköy’den Yani v. Kosta nâm zimmîyi ihzâr edip mütevellî olduğum vakıf akçeden mezkûr zimmîde altı yüz akçe karzan yüz akçe mu‘âmeleden cem‘an yedi yüz akçe vardır taleb ederim deyicek mezkûr zimmîden suâl olundukda inkârıyla cevâb vericek altı yüz akçe aldım lâkin mu‘âmele tarîkiyle üç yüz akçesin verdim şer‘î mu‘âmele etmedim ona tudarım deyu cevâb vericek şer‘î mu‘âmele olunduğu sâbit olup talebiyle sicille kayd olundu. Fi’t-târihi’l-mezbûr. Şuhûd: Hamza b. Ali, Hasan b. Abdullah el-berber, Hüseyin b. Abdullah ve gayruhüm minel-hâzırîn.