Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 263 Hüküm no: 538 Orijinal metin no: [69b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro v. Simo’ya ölen üvey anası Anastol’dan iki bin akçe intikal ettiği Vech-i tahrîr-i sicil budur ki Karye-i Beşiktaşı’na tâbi‘ Kuruçeşme nâm karyeden Simo v. Yorgi nâm zimmî meclis-i şer‘-i şerîfe hâzır olduklarında ikrâr kılıp zevcem Anostol nâm zimmiyye fevt olup sâbıkā Yani [v.] Kosta’dan beş yüz akçe nakid, sâir ev hırdavâtından satıp savup bin beş yüz akçe olup cem‘an iki bin akçe mezbûre Anastol almış idi hâliyâ fevt olup benim zimmetimde kaldı deyicek mezkûre zimmiyyenin yetîmleri Yani’ye ve Petro’ya intikāl edip sonra Yani de fevt olup cümle meblağ merkūm Petro’ya kaldı deyicek yetîm-i mezkûrun kıbel-i şer‘den vasîsi olan Simo talebiyle sicille kayd olunup. Tahrîren fî Saferi’l-muzaffer sene 967. Şuhûd: Sicill-i sâbık.