Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 266 Hüküm no: 544 Orijinal metin no: [71a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta b. Dimitri’nin İbrahim Paşa Vakfı’na olan borcunun babasından tahsil edildiği Vech-i tahrîr-i sicil oldur ki İbrahim Paşa hazretleri evkāfına hâliyâ câbî olan Keyvan b. Abdullah mahfil-i şer‘a hâzır olup Dimitri b. Lazari mahzarında ikrâr ve i‘tirâf edip bundan akdem vakf-ı mezbûrdan mezbûrun sulbî oğlu olan Kosta zimmetinde olan bin beş yüz akçe asıldan ve yüz seksen yedi buçuk akçe ribhden cem‘an bin yüz seksen yedi buçuk akçe olup bî-kusûr Dimitri elinden meblağ-ı mezbûra kefîl olduğu ecilden alıp kabûl [ve] kabz etdim dedikde mukırr-ı mezbûrun [ikrârını dahi] Dimitri vicâhen kabûl edip bi’t-taleb kayd olundu. Şuhûd: Cafer b. Abdullah, Ramazan b. Mahmud, Ferruh b. Abdullah, Mehmed b. Mustafa el-muhzır ve gayruhüm.