Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 300 Hüküm no: 629 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lefter’in Bünyad’a herhangi bir borcu olmadığını şahitlerle ispat ettiği Vech-i tahrîr-i hurûf oldur ki Lefter’in vekîli olan Yorgi ile Bünyad meclis-i şer‘-i şerîfe geldikde mezbûr Yorgi merkūm Bünyad mahzarında şöyle takrîr-i kelâm eyledi ki mezbûr Lefter’i altı buçuk filorim vardır deyu isbât edip habs eylemiş hâliyâ Yenihisar mahkemesinde birbiri ile ibrâ ve ıskāt edip mezbûr Lefter ile da‘vâm ve nizâ‘ım yok deyip Lefter dahi mezbûr ile da‘vâm yok demiş aralarında kat‘-ı nizâ‘ ve fasl-ı husûmet oldukdan sonra gelip Beşiktaş Mahkemesi’nde geri şâhid dinledip zikr olan filoriler için habs etdirmiş ibrâ [ve] ıskāt olunduğuna şâhidlerim var deyicek mezbûr Yorgi’den beyyine taleb oluncak udûl-i müslimînden İlyas b. Bağış ve Muslihiddin b. Abdullah bi’l-müvâcehe zikr olan Lefter ile Bünyad birbiriler ile ibrâ ve ıskāt eylediklerine şehâdet edip şehâdetleri ba‘de’t-ta‘dîli’ş-şer‘î ve’t-tezkiyye hayyiz-i kabûlde vâki‘ olup mâ-hüve’l-vâkı‘ bi’t-taleb kayd olundu cerâ zâlik ve hurrire Fî evâili Cumâdelâhire li-sene 968. Şuhûdü’l-hâl: Sâbikūn.