Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 301 Hüküm no: 632 Orijinal metin no: [83b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meyrem bt. Bahşi’nin Maçka köyündeki evini Kostantin b. Yorgi’ye sattığı Vech-i tahrîr-i hurûf oldur ki Meyrem bt. Bahşi meclis-i şer‘a gelip şöyle ikrâr ve i‘tirâf eyledi ki karye-i Maçuka’da vâki‘ olan mülk evim ki bir tarafında ben sâkine olurın bir tarafı Yorgi evidir yer müşterek yine [bir] tarafı duvarı ile ol duvar beraberinde aşağıdan dereye varınca ve yukarı geri ol duvar beraberinden havlu dahi tarîk-i âmme varınca fevkānî bir ocaklı evi sundurması ile ve altı ahırdır havluda bir kuyusu ile bir dahi bahçeye gider kuyusu ile ve bahçesi ile kenîf ile ve müşterek hudûdu bahçeden [bir] tarafı dere ile ve tarîk-i âm ile bir tarafı müşterek duvardır benim mülküm ile bir tarafı Kiryaki mülkü ile havludan [bir] tarafı tarîk-i âm ile mahdûd mülkümü işbu hâmilü’l-kitâb Kostantin b. Yorgi’ye altı bin râyicü’l-vakt fıddî-i Osmanî akçeye bey‘ edip hâliyâ teslîm-i mebî‘ ve kabz-ı semen dahi olmuşdur deyicek mukırr-ı mezbûrun ikrârın mukarrun lehü’l-merkūm Kostantin bi’l-müvâcehe ve’l-müşâfehe tasdîk edip mâ-hüve’l-vâkı‘ bi’t-taleb kayd olundu cerâ zâlik ve hurrire Fî evâsıtı Cumâdelâhire li-sene 968. Şuhûdu’l-hâl: Mahmud Bey b. Abdullah sipâhî, Ferhad Bey b. Abdullah, Muhzır Mehmed Bey b. Mustafa, İstemat b. Nikola kethüdâ, Yani b. Niko ve Nikola b. Yorgi ve Mihal b. Kosta, Nikola b. Yorgi ve gayruhüm.