Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 307 Hüküm no: 641 Orijinal metin no: [86a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zaman Hatun bt. Hamza Bâli’nin kocası Turmuş Reis b. Abdullah’tan anlaşma yoluyla boşandığı (Muhâla‘a) Vech-i tahrîr-i sicil oldur ki Zaman Hatun bt. Hamza Bâli meclis-i şer‘-i şerîfe hâzıra oldukda bi’l-fi‘il zevci olan Turmuş b. Abdullah er-reisü’s-sultânî mahzarında bi’t-tav‘ ve’r-rızâ ikrâr-ı şer‘î ve i‘tirâf-ı mer‘î kılıp dedi ki müşârun-ileyh zevcim Durmuş Reis zimmetinde olan yirmi bin akçe kâtibimden ve bundan akdem akd-i nikâh olduğum zamanda mezbûr zevcim bana iki câriye birinin ismi Zâhide ve birinin ismi ( ) nâm câriyeleri vermiş idi mezkûre câriyelerden ve iddet-i nafakamdan ve hakk-ı süknâmdan ve sâir hukukumdan, nükūddan ve esbâbdan her ne ise bi’l-külliye hüsn-i ihtiyârımla ferâğat etdim bu minvâl üzere bana talâk versin dedikde mukırre-i mezbûrenin ikrâr-ı tav‘ını ve akvâl-i meşrûhunu mezbûr Turmuş Reis vicâhen kabûl ve tasdîk etdikden sonra mezbûre Zaman’a bâyin talâk verip fasl-ı husûmet ve kat‘-ı nizâ‘ oldukda bi’t-taleb kayd-ı sicil olundu. Tahrîren fi’t-târihi’l-mezbûr sene 968. Şuhûd: [Şuhûd-ı] mâ-sebaka.