Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 123 Hüküm no: 66 Orijinal metin no: [9b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aydın Kethuda mahallesinden Hanife bt. Ali’nin kocasından boşanması Muhâla‘a Mahmiye-i İslâmbol’da Aydın Kethudâ mahallesinde sâkine ve zâtı ta‘rîf-i şer‘î ile mu‘arrefe olan Hanife bt. el-Hâc Ali nâm hatun meclis-i şer‘-i hatîrde zevc-i dâhili işbu bâ‘isü’l-kitâb Mustafa b. ( ) mahzarında ikrâr ve takrîr-i kelâm edip mezbûr Mustafa zevcim olup lâkin beynimizde hüsn-i mu‘âşeretimiz olmamağla zimmetinde mütekarrer ve ma‘kūdun-aleyh olan sekiz akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mustafa ile muhâla‘a-i sahîha-i şer‘iye ile hul‘ olduğumda ol dahi hul‘-ı mezbûru ba‘de’l-kabûl hukūk-ı zevciyete müte‘allika âmme-i [10a] [de‘âvî] ve kâffe-i mutâlebâtdan herbirimiz âharın zimmetini ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 11 Zilka‘de sene 1196 Şühûdü’l-hâl: Süleyman Beşe b. Osman, Mustafa b. Mustafa, Hacı Hasan b. Osman, Molla Ali b. Halil.