Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 572 Hüküm no: 730 Orijinal metin no: [94b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başka bir evde yaşayan Hanife bt. Ahmed’in Ereğli mahallesindeki kocası İbrahim b. Osman’ın evine dönmesi İslâmbol’da Şehremîni kurbünde Ereğli mahallesinde sâkin es-Seyyid el-Hâc İbrahim b. es-Seyyid Osman nâm kimesne Davudpaşa Mahkemesi’nde meclis-i şer‘de hâlâ zevcesi mu‘arrefetü’z-zât Hanife bt. Ahmed nâm hatun mahzarında zevcem mezbûre Hanife Hatun mahalle-i mezbûrede vâki‘ galak ve merâfıkı başka mâ‘an sâkinler olduğumuz menzilden âhar menzile nakledip menzil-i mezkûrda sâkine ve bana mutâva‘atdan ibâ ve imtinâ‘ etmekle menzil-i mezkûrda ke’l-evvel benimle sâkine ve bana mutâva‘ata zevcem mezbûreye tenbîh olunmak murâdımdır deyü ba‘de’d-da‘vâ ve’l-istintâk ve’l-ikrâr mûcebince zevci müdde‘î-i mezbûr es-Seyyid el-Hâc İbrahim’in menzilinde sâkine ve zevci müdde‘î-i mezbûra mutâva‘at etmek üzere mezbûre Hanife Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 25 Ca sene 1197