Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 594 Hüküm no: 779 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Naile bt. Ahmed’i boşayan Şerif Mehmed Efendi’nin mehri ödemesi İslâmbol’a Koca Mustafa Paşa Câmi‘-i şerîfi kurbünde Canbaziye mahallesinde sâkine ve zâtı mu‘arrefe Nâile bt. Ahmed nâm hatun Davudpaşa Mahkemesi’nde meclis-i şer‘de zevc-i mutallıkı Şerif Mehmed Efendi b. Şerif Baz? mahzarında mezbûr Şerif Mehmed Efendi zevc-i dâhilim olduğu hâlde târih-i i‘lâm günü beni talâk-ı selâse ile tatlîk etmekle zimmetinde ma‘kūdun-aleyh olan altmış guruş mehr-i <> müeccel hakkım ile nafaka-i iddet-i mu‘ayyene ve meûnet-i süknâmı zevc-i mutallıkım mezbûrdan hâlâ taleb ederim deyü ba‘de’d-da‘vâ ve’l-istintâk ve’l-ikrâr alâ-mûcibi ikrârihî meblağ-ı mehr-i mezkûr altmış guruşun edâsıyla mezbûr Şerif Mehmed Efendi ba‘de’l-ilzâm müdde‘iye-i mezbûre Nâile Hatun’u nafaka-i iddet ve meûnet-i süknâsı içün zevc-i mutallıkı mezbûr Şerif Mehmed Efendi ile on iki guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 5 min-B sene 1197