Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 196 Hüküm no: 128 Orijinal metin no: [47b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haydar b. Şeref’in Medîne-i münevvere nakid vakfından bey‘ bi’l-istiğlâl yoluyla ödünç aldığı Mâ tezammene hâze’l-kitâbü mine’l-mu‘âmeleti’ş-şer‘iyye ve’l-mürâbahati’l-mer‘iyye hurrire ledeyye efkarü’l-verâ Abdürrezzâk b. Halil el-memûr bi-teftîşi’l-evkāf -ufiye anhüma- Mahmiye-i Kostantıniyye mahallâtından İshakpaşa mahallesinden Haydar b. Şeref nâm kimse meclis-i şer‘-i şerîfe gelip şöyle ikrâr ve i‘tirâf eyledi ki, işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, hudûdu bir tarafından Mustafa Çavuş b. Mehmed mülkü, bir tarafından Yusuf Ağa el-Müteferrika mülkü, bir tarafından mahalle-i mezbûre imâmına vakfedilen menzil, bir tarafından tarîk-ı âm ile mahdûd olan cemî‘ menzilini cümle tevâbi‘i ve levâhıkıyla râyicü’l-vakt yirmi dört bin akçe semeni mu‘ayyen-i makbûzla hâmil-i hâze’l-kitâb Haremeyn-i şerîfeyn fukarâsı nukūdü’l-mevkūfesine mütevellî olan Mustafa Bey b. Kurd’a bey‘ etti. O dahi mâl-ı vakf ile ve istiğlâl maksadıyla menzil-i mezbûru iştirâ eyledi. Mütevellî-i mezkûr ba‘de’t-tahliye ve’t-tekābüz menzil-i merkūmu zeyl-i kitâbdaki tarihden bir sene tamâmına iki bin dört yüz akçe ücret-i kirâ ile bâyi‘-i mezbûra icâreye verdi. Sonra menzil-i mezbûrun derkine ve ücret-i kirâya bâyi‘-i mezkûrun oğlu Hüseyin Çavuş îcâb ve kabûlü hâvî kefâletle kefîl oldu. Cerâ zâlike ve hurrire fî-evâili Şa‘bâni’l-mu‘azzam li-sene selâs ve ışrîn ve elf. Şühûdü’l-hâl: Ali Çelebi b. Halil, Mahmud Çavuş b. el-Hâc Sefer, Osman Çavuş b. Mustafa, Ömer Bey b. [bevvâb-ı] Sultânî, Haydar Çelebi b. Bevvâb-ı sultânî, Mehmed Halife b. el-Hâc Pîrî el-imâm, Hüseyin Bey b. Abdullah et-tabbâhü’s-sultânî, İbrahim b. Gazanfer