Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 178 Hüküm no: 276 Orijinal metin no: [29b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şark seferinde ölen babası Keyvan b. Abdullah’ın kızının kendisine intikal eden nakit akçesini almak için zevci Ahmed Bey b. Hüsrev’i vekil tayin ettiği Havâss-ı Kostantıniyye kazâsına [tâbi‘] Baba Nakkaş nâm karye sâkinlerinden şark seferinde fevt olup silahdârlar cemâ‘atinden olan Keyvan b. Abdullah nâm kimesnenin sulbî kızı olup verâseten kendiye intikāl edip ol zamânda şark seferinde beytülmâlci olan Ahmed Bey yedinde olan nakid akçesini talebe ve eğer ihtiyâc olursa inde’l-hükkâm murâfa‘a ve muhâsamaya işbu bâ‘isü’l-kitâb zevci olup silahdârlar cemâ‘atinden olan Ahmed Bey b. Hüsrev nâm kimesneyi vekîl-i mutlak ettiği Bekir Bey b. Mehmed er-Râcil ve Fazlı Bey b. Cafer nâm sarrâc-ı hâssa şehâdetleriyle sâbit olup ve merkūm Ahmed Bey dahi vekâlet-i merkūmeyi kabûl ve mûcebine iltizâm etmeğin vâki‘ hâl alâ mâ hüve’l-minvâl kayd olundu. Şuhûdü’l-hâl: Mevlânâ İshak Halîfe b. Veli el-Hatîb, Ebûbekir b. Murad, Mehmed b. Abdullah, Memişah b. Yusuf, İbrahim b. Hasan ve gayruhüm