Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 205 Hüküm no: 321 Orijinal metin no: [36a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun bt. Abdullah’ın malının üçte birini fakirlere vasiyet ettiği ve zevci Ramazan b. Abdullah’ı muhallefâtına vasî tayin ettiği Tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde Mahmud Halîfe b. İlyas ile Havâss-ı Kostantıniyye el-mahmiyye tevâbi‘inden Kağıthâne deyû bilinen karyede sâkin olan Mehmed b. Abdullah ve Ferruh b. Abdullah orada emîn-i beytülmâl olan Eymir b. Âdil mahzarında karye-i mezbûreden hâmil-i hâze’l-kitâb Ramazan b. Abdullah’dan sâdır olan istişhâdın akabinde şehâdet edip müsteşhid-i mezbûrun vefât eden ve muhallefâtının yarısı emîn-i müşârün-ileyh yediyle kabzedilmiş bulunan zevcesi Emine Hâtun bt. Abdullah [hâl-i hayâtında ve kemâl-i sıhhatinde] müdde‘î-i mezbûru muhallefâtı üzerine vasî olarak seçti ve sülüs-i mâlını fukarâ için vasiyyet etti dediklerinde şehâdet-i sahîha-i şer‘iyyeleri ba‘de ri‘âyeti şerâiti’l-kabûl makbûle olmağın şehâdetlerinin mûcebiyle vesâyet-i mezbûreye ve sülüs-i merkūma hükm-i sahîh-i şer‘î ile hükm olunup [kayd olundu]. Şuhûdü’l-hâl: Receb b. Ali, Ali Bey b. Abdullah, Bâli b. Hüseyin, İskender b. Abdullah, Per[v]âne b. Abdullah, Ali el-Müezzin, Mehmed b. Süleyman