Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 206 Hüküm no: 323 Orijinal metin no: [36a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Felolota v. Kini’nin kireç ocağındaki yarı hissesini diğer ortaklarına sattığı Husûs-ı âti’z-zikri ikrâra Sava v. Kini kıbelinden Foti v. Dede ve Leka v. Lazari nâm zimmîler şehâdetleri ile vekâleti sâbite olan Kini v. Sava nâm zimmî mahfil-i kazâda hâmilü hâze’l-kitâb Felolota v. Kini mahzarında bi’l-vekâle ikrâr ve i‘tirâf edip müvekkil-i mezbûr havâss-ı Kostantıniyye tevâbi‘inden Letros nâm karye kurbunda vâki‘ olup Kini nâm zimmî ile ale’l-iştirâk Kini nâm zimmî ile mutasarrıf oldukları kireç ocağının nısfını müvekkil-i mezbûra bin râyic fi’l-vakt akçeye bey‘ edip kabz-ı semen ve teslîm-i mebî‘ eyledi dedikde mukırr-ı merkūmu akvâl-i meşrûhasında vicâhen [ve] şifâhen tasdîk eyledikler[inde] mâ [vaka‘a] vukū‘u üzre gıbbe’t-taleb ketb olundu. Şuhûdü’l-hâl: Köni v. Kini, Sevi v. İstemad, Yanko v. Franko, Niko v. Pîrî, Nika v. Çuka, Kika v. Mihal, Dede v. Kini