Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 211 Hüküm no: 335 Orijinal metin no: [38a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultan Bayezid Hân Evkâfı arâzisinden bir buçuk evlek yerin Hacı Abdi b. Hüsam’a altmış yıllığına kiralandığı Bâlâda mastûr olan arâziden bir tarafı Keyvan b. Abdullah yerleri ve bir tarafı tarîk-i âm ile ve bir tarafı arz-ı hâliye ile mahdûd olan bir buçuk evlek yeri mezbûr mütevellî bâ‘isü’s-sicil el-Hâc Abdi b. Hüsam nâm kimesneye icâre-i tavîle ile üç bin [d]ört yüz elli akçeye verip mu‘accelen üç bin fıddî akçeyi mezbûr Abdi yedinden alıp sâir akçe her sene yedişer buçuk akçe altmış yıla varınca edâ eylemek üzre rızâlarıyla kayd olundu. Tahrîren fî evâhiri şehri Ramazân sene 994. Şuhûdü’l-hâl: Ahmed b. Abdullah, Receb b. Yusuf, Keyvan b. Abdullah, İbrahim b. Abdullah, Halil el-Kayyım, Hemdem b. Abdullah, İbrahim b. Hamza ve gayr