Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 164 Hüküm no: 122 Orijinal metin no: [16b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ahmed Efendi b. Mehmed’in terekesinin vârisler arasında sulh yoluyla paylaşıldığı Mahmiye-i İstanbul’da Haraççı Muhyiddin mahallesi sükkânından iken bundan akdem vefât eden Ahmed Efendi b. Mehmed’in verâseti zevce-i metrûkesi Rahime bt. Kurd ve li ebeveyn karındaşı kızı Râbia’ya münhasıra olduğu şer‘an sâbit oldukdan sonra mezbûr Râbia meclis-i şer‘-i şerîf-i Ahmedî ve mahfil-i dîn-i münîf-i Muhammedî’de tereke-i müteveffâ-yı mezbûra vâzı‘atü’l-yed olan mezbûre Rahime mahzarında bi’t-tav‘i’s-sâf ikrâr ve i‘tirâf edip tereke-i müteveffâ-yı mezbûrdan dört sehimden üç sehim hissem mukābelesinde mezbûre Rahime ile altı bin akçe ve meclis-i akd-i sulhda mevcûde ve müşârün-ileyhâ yeşil iskarlet çukaya kaplı bir cılkava kürk ve pirinçden masnû‘ bir asma sâ‘at üzerlerine sulh ve bedel-i sulh-i mezbûru yedinden ahz u kabz edip tereke-i müteveffâ-yı mezbûrân[a] müte‘allika âmme-i de‘âvîden mezbûre Rahime’yi ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis aşer min Cemâziyelevvel li sene seb‘a ve seb‘în ve elf. Şuhûdü’l-hâl: Mehmed Efendi b. Ramazan el-İmâm, Mehmed Efendi b. Mehmed, el-Hâc Ahmed Efendi el-Müezzin, Mehmed Bey b. Abdullah, Mustafa b. Ali.