Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 350 Hüküm no: 436 Orijinal metin no: [77b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Abdullah’ı Mısır’da bulunan kocası Mehmed b. Hüseyin’in boşaması Medîne-i Hazret-i [Ebâ] Eyyûb mahallâtından Süleyman Çelebi mahallesi sâkinelerinden Sâliha bt. Abdullah nâm hâtun meclis-i şer‘de takrîr-i kelâm edip zevcim olan Mehmed b. Hüseyin nâm kimesne diyâr-ı Mısır’dan seni tatlîk ettim deyû bir memhûr [ve] mahtûm mektûb gönderdiğinden mâ‘adâ işbu hâzırân bi’l-meclis olan Ahmed b. Mehmed ve Şaban b. Yusuf nâm kimesneleri işhâd eylemiş, suâl olunup takrîrleri tahrîr olunmasın taleb ederim dedikde merkūmân Ahmed ve Şaban’dan hakīkatü’l-hâl suâl olundukda fi’l-hakīka mezbûr Mehmed merkūme Sâliha’yı talâk-ı selâse ile tatlîk eyledim kime murâd ederse varsın deyû bizi işhâd edip merkūme Sâliha’ya bu minvâl üzre bir varaka dahi irsâl eyledi, bu husûsa şâhidleriz şehâdet dahi ederiz deyû alâ tarîki’ş-şehâde haber verdikleri, hıfzan li’l-makāl ketb olundu. Hurrire fî târihi’l-mezbûr. Şuhûdü’l-hâl: Ali Dede b. İskender, Osman b. Ferhad, Yakub b. Kurd, Mustafa b. Mehmed, Ali b. Abdullah, Mehmed b. Hüseyin, İbrahim b. Çalabverdi.